អ្នកសម្រេចជោគជ័យក្នុងជីវិតបច្ចុប្បន្នដែលបង្កើតសមិទ្ធិផលល្អជាងអ្នកដទៃ មានសេចក្តីសុខក្នុងជីវិត គឺ
ដោយសារតែពួកគេបានប្រើគំនិតប្រាជ្ញាយ៉ាងល្អិតល្អន់ក្នុងការត្រិះរិះពិចារណាទៅលើផលខាតនិងចំណេញបាន
យ៉ាងល្អត្រឹមត្រូវ មានទឹកចិត្តរឹងប៉ឹង មិនរង្គោះរង្គើ នៅពេលត្រូវប្រឈមមុខនឹងរឿងខាតនិងចំណេញ។

            សៀវភៅ "ឲ្យ" គន្លឹះឆ្ពោះទៅរកជោគជ័យ នៅនឹងដៃលោកអ្នកនេះបានចង្អុលបង្ហាញ និងបែងចែកពីទំនាក់
ទំនងរវាងការទទួលនិងខាតបង់ ដើម្បីមើលទម្លុះទៅដល់ហេតុនិងផល ដែលនាំមកដល់ការសម្រេចជោគជ័យឬ
បរាជ័យក្នុងជីវិត។ ខ្លឹមសារបាននិយាយដល់ផលប៉ះពាល់ទាំងឡាយក្នុងរឿងទទួលបាននិងបាត់បង់ដែលកើតមាន
ចំពោះជីវិតរបស់យើងទៅតាមវិធីផ្សេងៗ ព្រមទាំងបានចង្អុលបង្ហាញយ៉ាងច្បាស់លាស់ថា តើគួរជ្រើសដើរតាមបទ-
ពិសោធន៍នៃការទទួលនិងការខាតបង់ដោយរបៀបណា? តើត្រូវប្រឈមនឹងផលដែលកើតឡើងពីការខាតនិង
ចំណេញយ៉ាងឆ្លាតវៃបានដូចម្ដេច? និងបង្ហាញឲ្យអ្នកអានបានឃើញពីសច្ចធម៌ក្នុងជីវិតខណៈពេលធ្វើការពិចារណា
បែងចែកបានយ៉ាងច្បាស់លាស់អំពីខុសនិងត្រូវ ស្រវាយកឱកាស កសាងជីវិតដ៏សុខមនោរម្យរបស់ខ្លួន។

            ការមានស្ថិរភាពក្នុងជីវិត សេចក្ដីសុខ ការបានសមប្រកបតាមបំណងប្រាថ្នា គឺអ្វីដែលមនុស្សត្រូវការបំផុត។ 
ការប្រើជីវិតប្រកបដោយសតិបញ្ញា ការរៀនអំពីសិល្បៈនៃការវាយលុកឬដកថយ ចេះរកសេចក្តីសុខឲ្យជីវិត ទោះបី
ខាតឬចំណេញក៏អាចឈរបានជាធម្មតា លាភយស កេរ្ដិ៍ឈ្មោះក៏អាចលះបង់បាន... អ្វីទាំងនេះនឹងធ្វើឲ្យយើងស្វែង
រកសេចក្ដីសុខប្រកបដោយស្ថិរភាពសមតាមក្ដីប្រាថ្នា។