សៀវភៅ "ស្រមោលភពងងឹត"​​ ដែលប្រិយមិត្តកំពុងកាន់​ក្នុងដៃនេះ ជាស្នាដៃប្រែសម្រួលដោយ​សហ​ការី​
ម៉ាញប៊ុក្ស​របស់​​យើង គឺលោក​ អូន ស៊ីយា ឬមានរហស្សនាមថា "គ្រូស៊ីយ៉ា" ដែលធ្លាប់​បានបម្រើអារម្មណ៍ប្រិយមិត្ត
ចំនួនពីរលេខរួចមកហើយ គឺ "ពិភពរឿងចម្លែក" ក្បាលទី១ និងក្បាលទី២ ដែលទទួលបានការគាំទ្រ និងធ្វើសំណូម
ពរឲ្យគាត់​រៀបរៀងបន្ថែមជូនមិត្តអ្នកអានជាបន្តទៀត។
            ពេលនេះ ការព្យាយាមរបស់គាត់​បានសម្រេចជាស្នាដៃហើយ។ លើលោកយើងនេះ មានអ្វីជាច្រើនដែល
យើងនៅតែស្រពិចស្រពិល រកចម្លើយឲ្យជាក់លាក់​មិនឃើញ ហើយជាពិសេសវាគួរឲ្យយើងចង់ដឹងចង់​រកការពិត
កាន់តែខ្លាំង។​ ប៉ុន្តែទោះបីជាយ៉ាងណា ភពងងឹតគឺនៅតែជាភពងងឹតដែលយើងអាចសន្និដ្ឋានតាមតក្កសាស្រ្តបាន
បន្តិចបន្តួច និងមិនដឹងថាថ្ងៃណាទើបអាចរកទីបញ្ចប់ឃើញនោះទេ។ នេះហើយគឺជាដើមហេតុដែលធ្វើឲ្យ 
"ស្រមោលភពងងឹត" នេះកើតឡើង។
            យើងខ្ញុំជឿថា រឿងនីមួយៗក្នុងសៀវភៅនេះមានការប្រើពាក្យពេចន៍មុតៗ ការប្រើវោហារកាន់តែហើរ 
មានក្លឹមសារល្អៗ ធ្វើឲ្យអ្នកអានជក់ចិត្ត ជក់អារម្មណ៍ ផ្តល់គំនិតបញ្ញា ការត្រិះរិះពិចារណា ប្រកបដោយដំណើរ
សាច់រឿងក្តើគគុក មិនចង់ឲ្យយើងដកភ្នែកចេញពីទំព័រសៀវភៅ។ ហេតុនេះការចំណាយពេលរបស់ប្រិយមិត្តក្នុង
ការអានសៀវភៅនេះ គឺពិតជាមិនធ្វើខកបំណងឡើយ។
            ជាពិសេស សូមអគុណប្រិយមិត្តដែលបានគាំទ្រដល់ម៉ាញប៊ុក្សយើងខ្ញុំ ឲ្យនៅឈរបម្រើអារម្មណ៍ ប្រាជ្ញា
ស្មារតីប្រិយមិត្តតាំងពីដើមរហូតមកដល់ពេលនេះ។