ប្រសិនបើយើងក្រឡេកមើលអតីតកាល យើងនឹងដឹងថាសិល្បៈគ្រប់ផ្នែកបានផ្សារភ្ជាប់ជាមួយសង្គមមនុស្សតាំពីយូរលង់មកហើយ។ប្រហែលជាជាងមួយពាន់ឆ្នាំមុន មានអក្សរសិល្ប៍បុរាណអប់រំ និងផ្លាស់ប្តូរផ្នត់គំនិតដូចជា រឿងនិទានអុីសុបជាដើម។រឿងទាំង ទោះបីកន្លងផុតទៅរាប់សតវត្សរ៍ហើយក៏ដោយ ប៉ុន្តែនៅតែពេញនិយមសម្រាប់ក្មេងៗ។ លើសពីនេះតន្រ្តីបុរាណរបស់តន្រ្តីករដូចជា លោក បេថូវិន (Beethoven) ក៏នៅតែត្រូវបានគេយកមកចាក់ស្តាប់ផងដែរ រីឯគំនូរដ៏មានតម្លៃដូចជារូប ម៉ូណាលីហ្សា (Mona Lisa) នៅតែមានឈ្មោះល្បីល្បាញទទួលស្គាល់ជុំវិញពិភពលោក។
ហេតុនេះទើបយើងខ្ញុំខិតខំស្រាវជ្រាវចងក្រងរឿងរ៉ាវជីវិត ប្រវត្តិការងារ និងភាពជោគជ័យរបស់សិល្បករជាច្រើនដែលបន្សល់ទុកស្នាដៃដ៏មានតម្លៃក្នុងពិភពលោកយើងដើម្បីទុកជាមេរៀនសម្រាប់ប្អូនៗកុមារយកទៅសិក្សារៀនសូត្រ ហើយក៏សង្ឃឹមថាប្អូនៗនឹងទទួលបានប្រយោជន៍ រីករាយនឹងចំណេះដឹងគំនិតច្នៃប្រឌិតរបស់បុគ្គលឆ្នើមទាំងនោះដើម្បីជាកម្លាំជំរុញផ្នែកស្មារតីក្នុងការធ្វើកិច្ចការអ្វីមួយឲ្យសម្រេចជោគជ័យ។