គ្មានជោគជ័យណាសម្រចត្រឹមតែមួយយប់នោះទេ

     
         រូសឺវេលត៍ ក៏ពុំមែនបានធ្វើជាអ្នកដឹកនាំដ៏មហិមាក្នុងពេលតែមួយយប់ដូចគ្នា   មាគ៌ាទៅធ្វើជាប្រធានាធិបតីរបស់គាត់ជាការរីក
លូតលាស់យឺតៗ តែមានលក្ខណៈជាប់លាប់ដោយធ្លាប់ទទួលតំណែងផ្សេងៗ តាំងពីមេបញ្ជាការប៉ូលីសក្រុងញ៉ូវយ៉កទៅដល់តំណែង
ប្រធានាធិបតីសហរដ្ឋអាមេរិក។ គាត់នៅតែរៀននិងអភិវឌ្ឍជាបន្តបន្ទាប់ នៅតែកែលម្អខ្លួនឯង។  ពេលវេលាកន្លងទៅគាត់ក៏ក្លាយជា
អ្នកដឹកនាំដ៏រឹងមាំនោះជាការពិសោធឲ្យឃើញថាគាត់បានប្រតិបត្តិដំណើរជីវិតតាមច្បាប់សន្សែសន្សំ។

        ជោគជ័យដែល រូសឺវេលត៍ បានសាងគឺគួរឲ្យស្ងើចខ្លាំងណាស់។​ ក្រោមការដឹកនាំរបស់គាត់ សហរដ្ឋអាមេរិកបានឈានឡើង
មកជាមហាអំណាចរបស់ពិភពលោក។ គាត់ជួយអភិវឌ្ឍកងទ័ពជើងទឹករបស់ជាតិ រហូតដល់ការទទួលខុសត្រួវលើការជីកប្រឡាយ
ប៉ាណាម៉ា បានរួចស្រេចបាច់។​ គាត់ជាអ្នកចរចាសន្តិភាពរវាងរុស្ស៊ីនិងជប៉ុនបានសម្រេច ដែលធ្វើឲ្យគាត់ទទួលបានរង្វាន់ណូបែល
សន្តិភាព ហើយនៅពេលប្រជាជនសង្ស័យពីភាពជាអ្នកដឹកនាំរបស់គាត់ ដោយសារតែគាត់ឡើងមកកាន់តំណែង នៅពេលលោក
ប្រធានាធិបតី ម៉ាកខិនលីយ៍ត្រូវគេលបធ្វើឃាតគាត់ក៏ចេញរកសំឡេងគាំទ្រនិងត្រូបានជ្រើសឲ្យកាន់តំណែងម្តងទៀតដោយសំឡេង
ច្រើនលើសលុបលើសពីប្រធានាធិបតីអាមេរិកដទៃទាំងអស់នៅមុនគាត់។

       ពីការណ៍ដែលគាត់ជាមនុស្សចូលចិត្តរុករក លុះពេលគ្រប់អាណត្តិតំណែង ប្រធានាធិបតីនៅឆ្នាំ 1909  រូសឺវេលត៍ធ្វើដំណើរទៅ
កាន់ទ្វីបអាហ្រ្វិកភ្លាមដើម្បីធ្វើជាប្រធានក្រុមស្រាវជ្រាវខាងវិទ្យសាស្រ្តដែលទទួលបានការគាំទ្រដោយស្ថាប័នស្រាវជ្រាវ​ស្ម៊ីត សូនៀន។
ពីរបីឆ្នាំក្រៅពីនោះ នៅឆ្នាំ 1913 គាត់ចូលរួមដឹកនាំគណៈស្រាវជ្រាវទន្លេអាថ៌កំបាំងនៅប្រទេសប្រេស៊ីល ដែលមិនធ្លាប់មានការធ្វើផែន
ទីពីមុន។ នេះជាការផ្សងព្រេងដើម្បីការរៀនសូត្រដោយគាត់បានប្រាប់ថាមិនអាចបណ្តោយឲ្យឱកាសបែបនោះកន្លងផុតទៅទេ "នោះ
ជាឱកាសចុងក្រោយដែលខ្ញុំនៅក្មេង"  គាត់ទទួលស្គាល់នៅពេលក្រោយពេលនោះគាត់អាយុ​ 55 ឆ្នាំទៅហើយ។

         នៅថ្ងៃទី6 មករា ឆ្នាំ 1919​ ធីអូដ័រ រូសឺវេលត៍ បានលាចាកលោកខណៈពេលសម្រាកលក់នៅនឹងផ្ទះនាក្រុងញូវយ៉ក។ លោកអនុ
ប្រធានាធិបតី ម៉ាសែល និយាយថា" មរណភាពមកដល់គាត់នៅពេលកំពុងសម្រាកលក់ មិនអញ្ចឹងទេ បើ រូសឺវេត៍ នៅដឹងខ្លួន មុខជា
មានការប្រយុទ្ធគ្នាមិនខាន"។ នៅពេលសពរបស់គាត់ត្រូវលើកចេញពីគ្រែ ក៏ប្រទះឃើញសៀវភៅនៅក្រោមខ្នើយ។ សូម្បីដល់ពេល
ផុតដង្ហើម ធីអ័រ នៅតែប្រឹងប្រែងរៀន និងកែលម្អខ្លួនឯងជានិច្ច។​ គាត់នៅតែអនុវត្តតាមច្បាប់សន្សែសន្សំរហូតដល់ថ្ងៃចុងក្រោយ។​

        បើអ្នកចង់ធ្វើជាអ្នកដឹកនាំ ដំណឹងល្អគឺអ្នកអាចធ្វើបាន។ គ្រប់គា្នសុទ្ធតែមានសក្តានុពល ប៉ុន្តែវាពុំមែនជារឿងដែលធ្វើសម្រេចទៅ
បានក្នុងរយៈពេលតែមួយរាត្រីនោះទេ។ ការធ្វើជាអ្នកដឹកនាំត្រូវពឹងលើភាពប្រឹងប្រែងអត់ធ្មត់ ហើយអ្នកមិនអាចមើលរំលងច្បាប់សន្សែ
សន្សំបានជាដាច់ខាត។ ការធ្វើជាអ្នកដឹកនាំ មិនអាចសាងបានក្នុងរយៈពេលតែមួយថ្ងៃនោះទេ គឺត្រូវតែចំណាយពេលពេញមួយជីវិត។

Book not found !!!!!!!!!!