យកសៀវភៅធ្វើមិត្ត ដូចមានបណ្ឌិតជាទីប្រឹក្សា

Message
  • ARI Image Slider: "System - ARI Sexy Lightbox" plugin isn't installed.

ការអភិវឌ្ឍខ្លួន - វិធីសាស្រ្តជំនួញ

cover
កូដ​សៀវភៅ: 100

អ្នកឡឺកឺបានធ្វើសេដ្ឋី

ប្រែសម្រួល/រៀបរៀងដោយ:      ចែម សំបូរ
ISBN:      9789996347146
បោះពុម្ភៈ និង​ ចែកចាយ:      ម៉ាញប៊ុក្ស
ថ្ងៃខែឆ្នាំបោះពុម្ភ:      ខែកុម្ភៈ ឆ្នាំ 2014
បោះពុម្ពលើកទី:      1
ទំព័រ:      424
តម្លៃ:      16000  ៛

 ពិពណ៌នា:     


​​​​​        តើលោកអ្នកជាមនុស្សម្នាក់ក្នុងបណ្តាមនុស្សជាច្រើនដែលខិតខំរៀនសូត្រ ខិតខំធ្វើការងារយ៉ាងធ្ងន់ធ្ងរប្រតិបត្តិបានយ៉ាង

ត្រឹមត្រូវគ្រប់ប្រការ តែមើលទៅឃើញថាខ្លួនឯងនៅតែមានឋានៈជីវភាពខ្សត់ខ្សោយ ឬបើមិនជំពាក់បំណុលវ័ណ្ឌក ក៏បាន

តែមួយគ្រប់ចាយប៉ុណ្ណោះ?

        បើមែន! អ្នកអាចជាបុគ្គលម្នាក់ក្នុងបណ្តាមនុស្សដែល រ៉ូបឺត សេមីន ដាក់ឈ្មោះឲ្យថា "ត្រង់ភ្លឹង + ដាច់យៃ" នោះគឺ

តម្រិះពេញខ្លួន តែមិនចេះប្រើប្រាស់មិនហ៊ានធ្វើអ្វី "ក្រៅព្រំដែន" (សំដៅដល់ទង្វើឬគំនិតថ្មីដែលខុសពីបែបបទចាស់ឬ

ទម្លាប់ចាស់) ព្រោះខួរក្បាលដុះស្លែរុំព័ទ្ធដោយរនាំងជុំជិតអស់។

        វិធីតែម្យ៉ាងគត់ដែលអាចជួយឲ្យអ្នកមានឋានៈជីវភាពធូរធារ មានបានយ៉ាងឆាប់រហ័ស គឺអ្នកត្រូវតែលះបង់វិធីគិតបែប

"ត្រង់ភ្លឹង + ដាច់យៃ" ហើយងាកមកប្រតិបត្តិតាមវិធី "ក្រៅព្រំដែន" តាមបែប "ជនឡឺកឺធ្វើអ្នកមាន" ជំនួសវិញ។

        លោកអ្នកអាចនឹងឆ្ងល់ថា "ជនឡឺកឺ" នេះហាក់ដូចជាមិនស័ក្តិសមគ្នានឹង "អ្នកមាន" នេះសោះ តែចម្លើយគឺ "បាន"

ព្រោះកាលពីអតីត រ៉ូបឺត សេមីន ក៏ជាបុគ្គលម្នាក់ក្នុងបណ្តាជនឡឺកឺធ្វើអ្នកមាននោះដែរ។ គាត់ធ្លាប់ត្រូវមនុស្សជុំវិញវាយតម្លៃ

ថាជា "ក្មេងចោលម្សៀត" ដែល​ "គ្មានកំណើត" តែគាត់នៅតែអាចឈានឡើងក្លាយជាអ្នកជំនួញកម្រិតរាប់រយលាន

ជាម្ចាស់កម្មសិទ្ធិអចលនទ្រព្យរហូតដល់ជាង ៤០០ កន្លែង ហើយព្រមទាំងជាវាគ្មិនចែករំលេកពីគន្លឹះ បទពិសោធកសាងឋានៈ

ជីវភាពដល់មនុស្សរាប់សែននាក់ក្នុងមួយឆ្នាំៗ ដោយឡើងលើវេទិកាជាមួយបរមគ្រូហិរញ្ញវត្ថុដូចជា ដូណាល់ ត្រ័ម ផ៍ និង

រ៉ូបឺត គីយ៉ូសាគី ជាដើម។

        រ៉ូបឺត សេមីន សម្រេចជោគជ័យនាំមុខមិត្តភក្តិរៀនជាមួយគ្រប់ៗគ្នា ដែលសុទ្ធតែរៀនពូកែជាង... ហេតុអ្វីក៏គាត់ធ្វើបាន???

        សៀវភៅមួយនេះបានបកស្រាយគ្រប់អាថ៍កំបាំងទាំងអស់ ដោយការសរុបសេចក្តីឲ្យឃើញយ៉ាងច្បាស់លាស់ថា

"អ្នកឡឺកឺបានធ្វើសេដ្ឋី" គិតខុសផ្សេងពីក្រុមអ្នក "ត្រង់ភ្លឹង + ដាច់យៃ" ដែលមនុស្សភាគច្រើនតែងធ្វើនោះដូចម្តេចខ្លះ?

        វិធីគិតដ៏ល្អមួយគឺ "អ្នកឡឺគឺធ្វើសេដ្ឋី គេធ្វើការដើម្បីឲ្យបានប្រាក់យកទៅទិញពេលវេលា"​... ពេលវេលាជារបស់មានតម្លៃ

បំផុត ថ្លៃជាងប្រាក់ទៅទៀតព្រោះយើងអាចរកប្រាក់បាន តែពេលវេលាដែលបាត់ទៅហើយមិនអាចយកអ្វីមកជំនួសបាន

ឡើយ។ ពាក្យណែនាំរបស់ សេមីន គឺ យើងត្រូវធ្វើការដើម្បីឲ្យមានពេលវេលានៅជាមួយមនុស្សដែលយើងស្រឡាញ់

បានប្រើពេលវេលានៅជាមួយអ្វីដែលយើងចង់បានយ៉ាងពិតប្រាកដ

 

        ត្រង់ចំណុចមួយនេះ បើយើងដាក់សំណួរមកលើរួបយើងគ្រប់គ្នានេះ យើងនឹងរកឃើញថា ពួកយើងម្នាក់ៗសុទ្ធតែធ្វើការ

ដើម្បីដួរយកប្រាក់ប៉ុណ្ណោះ បើធ្វើការកាន់តែធ្ងន់ នោះគឺកាន់តែជ្រៅទៅៗ ត្រូវដាក់អន្ទាក់នឹងពេលវេលារហូតទាល់តែមិនអាច

ដកខ្លួនចេញពីការងារបានឡើយសូម្បីតែមួយថ្ងៃ ឬបើនិយាយឲ្យខ្លីទៅ គឺប្រភេទមនុស្ស "ត្រង់ភ្លឹង + ដាច់យៃ" នេះឯង។

        ក្នុងរឿងនេះ សៀវភៅនេះបានផ្តល់ដំបូន្មានឲ្យលោកអ្នកដកខ្លួនចេញពីវត្តចលនាដ៏ចង្រៃនេះចេញដូចម្តេច ហើយជួយ

ឲ្យអ្នកស្គាល់ពីវិធីធ្វើការដើម្បីឲ្យសល់ពេលវេលាដ៏មានតម្លៃកាន់តែច្រើន ជួយឲ្យអ្នករកឃើញជីវិតដែលពោរពេញដោយ

សេចក្តីសុខ... គឺជីវិតដែលមានស្ថិរភាពយ៉ាងពិតប្រាកដ។

        ចំណុចពិសេសមួយទៀតនៃសៀវភៅនេះ គឺសិល្បៈក្នុងការសរសេររបស់ សេ មីន ដែលសរសេរយ៉ាងសាមញ្ញ មានភាព

ជាគ្នាឯង បញ្ចូលអារម្មណ៍កំប្លែង ប្រៀបធៀបឲ្យឃើញរូបភាពច្បាស់លាស់ សាងកម្លាំងបណ្តាលចិត្តយ៉ាងជ្រាលជ្រៅក្នុងទំព័រ

និមួយៗដែលលោកអ្នកបើកអានបន្ត ស្ទើរតែគ្មានចាប់ភ្លឹកថាកំពុងអានសៀវភៅទាក់ទងនឹងលុយកាក់អ្វីទេ តែប្រៀបដូចជាមាន

មិត្តភក្តិជាអ្នកមាន ម្នាក់ដែលមានបំណងល្អមកអង្គុយជិតខ្លួន ជួយចែករំលែកបទពិសោធជោគជ័យនៃជីវិតឲ្យលោកអ្នកស្តាប់។

        ហេតុនេះពុំមែនជាការចម្លែកអ្វីទេដែលសៀវភៅនេះទទួលបានជោគជ័យយ៉ាងធំធេងនៅទូទាំងពិភពលោក ដោយទទួល

ចំណាត់ថ្នាក់ជាសៀវភៅលក់ដាច់នៅសហរដ្ឋអាមេរិក  មិនថាជា The New York Times, The Wall Street Journal,

The USA​ Today, Amazon.com និងប្រព័ន្ធផ្សព្វផ្សាយដទៃទៀតជាច្រើន។

        សេ មីន ពោលថា "អ្នកនឹងអាចចាប់ភ្លឹកដឹងបានក្នុងពេលដ៏ខ្លីថា សៀវភៅនេះគ្មានទាក់ទងនឹងការ រៀនសូត្រអ្វីថ្មីឡើយ

តែវាជាប់ទាក់ទងនឹងការ លាងជម្រះ នូវអ្វីដែលយើងធ្លាប់ដឹង (បែបខុសៗ) ពីមុនមកប៉ុណ្ណោះ"។

        បើរឿងអ្វីដែលយើងធ្លាប់រៀនចាប់ពីតូចដល់ធំ ធ្វើឲ្យយើងនូវតែមិនអាចក្លាយជាអ្នកមានបានទេ ការទទួលយកវិធីគិតបែប

"ក្រៅព្រំដែន" របស់ សេមីន ក៏មិនសមនឹងមានអ្វីឲ្យខាតបង់នោះដែរ ព្រោះសូម្បីតែមនុស្សឡឺកឺដូចគាត់ក៏អាចធ្វើបាន។

        សូមអរគូណចំពោះប្រិយមិត្តអ្នកអានដែលបានជួយគាំទ្រឲ្យម៉ាញប៊ុក្សយើងបាននៅបម្រើប្រិយមិត្តរហូតមកដល់ថ្ងៃនេះ។

 មាតិកា:     


ដំណាក់កាលទី  ១ : ត្រៀមខ្លួនជាស្រេច

     ជំពូកទី ១   អាថ៌កំបាំងប្រការទី ១

                       ផ្លាស់ប្តូរគ្រប់គោលការណ៍ដែលអ្នកគិតថា ខ្លូនឯងដឹងអំពីភាពមានបានឲ្យបញ្រា្ចសទិស

     ជំពូកទី ២   អាថ៌កំបាំងប្រការទី ២

                       ប្រតិបត្តិតាមច្បាប់ស្មារតីនៃភាពមានបាន

ដំណាក់កាលទី ២ : តម្រង់គោលដៅ

     ជំពួកទី ៣   អាថ៌កំបាងប្រការទី ៣

                       គោលដៅតែមួយធ្វើឲ្យអ្នកក្លាយជាអ្នកមាន គោលដៅលើសពីមួយធ្វើឲ្យអ្នក "ដាច់យៃ"

     ជំពូកទី ៤   អាថ៌កំបាំងប្រការទី ៤                              

                       បើចង់ក្លាយជាអ្នកមាននៅថ្ងៃស្អែក ចូរធ្វើខ្លួនជាអ្នកមានចាប់ពីថ្ងៃនេះទៅ

     ជពូកទី ៥   អាថ៌កំបាំងប្រការទី ៥   

                       ជនឡឺកឺធ្វើអ្នកមានពុំមែនចេះតែមានបាន ដោយធ្វើអ្វីតែម្នាក់ឯងនោះទេ។

ដំណាក់កាលទី ៣ : បាញ់

     ជំពូកទី ៦   អាថ៌កំបាំងប្រការទី ៦

                       អ្វីគ្រប់យ៉ាងអាស្រ័យលើទ្រព្យសម្បត្តិ

     ជំពូគទី ៧   នៅតែជាអាថ៌កំបាំងប្រការទី ៦

                       ចូរសាងបំណុល

     ជំពូគទី ៨   នៅតែជាអាថ៌កំបាំងប្រការទី ៦

                       ទិញបីដងក៏ចប់ស្រចបាច់

     ជំពូគទី ៩   នៅតែជាអាថ៌កំបាំងប្រការទី ៦

                       ចុះទុនទិញហ៊ុនចាប់ពីថ្ងៃនេះតទៅ

     ជំពូគទី ១០ នៅតែជាអាថ៌កំបាំងប្រការទី ៦

                       ចាប់ផ្តើមធុរកិច្ចដោយខ្លួនឯង

     ជំពូគទី ១១ អាថ៌កំបាំងប្រការទី ៧

                       ចាប់ផ្តើមប្រតិបត្តការ

     ជំពូគទី ១២ អាថ៌កំបាំងជារង្វាន់ប្រការទី ៨

                       អ្នកក្លាយជាសេដ្ឋីហើយ!

{booklibrary isbn=9789996347146}


 


ស្វែងរកសៀវភៅ

 

 

ស្ថិតិមិត្តអ្នកអាន

- ថ្ងៃនេះ481
- ​ថ្ងៃម្សិលមិញ590
- សប្ដាហ៍នេះ5169
- ខែនេះ14781
- សរុបទាំងអស់1113757
អាសយដ្ឋាន ៖ ផ្ទះលេខ 26 ផ្លូវលេខ 598 សង្កាត់ បឹងកក់១ ខ័ណ្ឌ ទួលគោក ភ្នំពេញ
ទូរសព្ទៈ 017 27 12 12, 016 98 88 37, 016 39 59 69
អ៉ីមែល: mindbooks_kh@yahoo.com, ហ្វេសប៊ុក្សៈ http://www.facebook.com/mindbooks

រក្សាសិទ្ធិគ្រប់យ៉ាង © 2012 ដោយ ក្រុមបោះពុម្ភផ្សាយ ម៉ាញប៊ុក្ស

រចនាដោយ CamFirst Technologies Co., LTD
Copyright © 2017